ပြည်တွင်းဖြစ်များနှင့် ထုတ်ထားသော တရုတ်ပြည်မှ ကမ္ဘာ့အမြန်ဆုံး စူပါကွန်ပျူတာ

Sunway TaihuLight လို့ အမည်ရတဲ့ ကမ္ဘာ့စွမ်းအားအမြင့်ဆုံး Supercomputer တစ်ခုကို တရုတ်ပြည်မှာ တည်ဆောက်ခဲ့ပါတယ်။ ဂျာမနီတွင် ကျင်းပခဲ့သော International Supercomputer Conference မှာတော့ Core ပေါင်း 10.65 မီလီယံ ပါဝင်တဲ့ Sunway TaihuLight ကို ကမ္ဘာ့အမြန်ဆုံး ကွန်ပျူတာအဖြစ် Top500 မှ ကြော်ငြာခဲ့ပါတယ်။ Sunway TaihuLight ဟာ Processing Power 93 petaflops ရှိတဲ့ အတွက် ကမ္ဘာ့အမြန်ဆုံးလို့ အရင်က သတ်မှတ်ထားတဲ့ Processing Power 33.9 petaflops ရှိတဲ့ Tianhe-2 ထက် သုံးဆပိုမိုမြန်သော စူပါကွန်ပျူတာတစ်လုံးဖြစ်လာပါတယ်။

FLOP ဆိုတာကတော့ 93 quadrillion floating point operations per second ဖြစ်ပြီး ဒါက supercomputer ဟာ တစ်စက္ကန့်မှာ တွက်ချက်မှုပေါင်း 93,000 ထရီလီယံကို အမြင့်ဆုံးလုပ်ဆောင်နိုင်တယ်လို့ ဆိုလိုခြင်း ဖြစ်ပါတယ်။

Sunway TaihuLight မှာရှိတဲ့ နောက်ထပ်ထူးခြားမှုကတော့ သူ့မှာ သုံးထားတဲ့ Microprosessors အားလုံးဟာ ရာနှုန်းပြည့် တရုတ်ပြည်တွင်းဖြစ်များ အသုံးပြုထားခြင်းပါပဲ။ Sunway TaihuLight ကို တရုတ်ပြည်တွင်းဖြစ် 260-core ShenWei26010 Processor များကို အသုံးပြုထားပြီး custom Linux-based OS ပေါ်မှာ အသုံးပြုထားပါတယ်။

ယခင်အချိန်များမှာတော့ တရုတ်ဟာ အမေရိကန်ရဲ့ Processerများအား Supercomputer တည်ဆောက်ဖို့အတွက် မှီခိုအားထားခဲ့ရပါတယ်။ သို့သော်လည်း အမေရိကန်အနေနဲ့ တရုတ်ဟာ intel cores တွေနဲ့ တည်ဆောက်ထားတဲ့ Tianhe-2 ကို နူကလီးယား စမ်းသပ်တွက်ချက်မှုများမှာ အသုံးပြုနေတယ်လို့ ယူဆခဲ့ပါတယ်။ ဒါကြောင့်ပဲ အမေရိကန်ဟာ Intel Company အား စွမ်းအားမြင့် Xeon processors များကို တရုတ်ပြည်ရဲ့ supercomputer ထုတ်လုပ်သူများထံ ရောင်းချခြင်းအား တစ်နှစ်ကျော်ပိတ်ထားခဲ့ပြီး ဖြစ်ပါတယ်။

အခုတော့ အမေရိကန်ရဲ့ ဆုံးဖြတ်ချက်ဟာ တရုတ်ရဲ့ ထုတ်လုပ်မှုကို မရပ်သွားစေတဲ့အပြင် ဆန့်ကျင်ဘက် အကျိုးသက်ရောက်မှု ဖြစ်သွားစေခဲ့ပါတယ်။ Top500 ရဲ့ စာရင်းများအရ ပထဆုံးအနေနဲ့ တရုတ်ရဲ့ supercomputer အသုံးပြုမှု အရေအတွက်ဟာ အမေရိကန်ထက်သာ လွန်နေပါတယ်။ ဘာကြောင့်ဆိုရင်တော့ Top500 စာရင်းအရ အမေရိကန်မှာ supercomputer အရေအတွက် 165 လုံးရှိနေပြီး တရုတ်မှာတော့ 167 လုံး ရှိနေတာကြောင့်ပါပဲ။

Sunway TaihuLight ကိုတော့ အင်ဂျင်နီယာနယ်ပယ်ဆိုင်ရာ သုတေသနလုပ်ငန်းများ၊ Data analytics, အဆင့်မြင့် ထုတ်ကုန်များနဲ့ ရာသီဥတုတွက်ချက်မှုများ၊ မိုးလေ၀သဆိုင်ရာတွက်ချက် မှုများနဲ့ ကမ္ဘာဂေဟစနစ်ဆိုင်ရာ တွက်ချက်မှုများအတွက် အသုံးပြုသွားမှာ ဖြစ်ပါတယ်။

4.7.2016

စီစဉ်တင်ဆက်သူ - ကိုသိန်း(MEHN Team)